Hillige



Refrein
Ich gleuf mit de vasteloavend
dat ich ’ne hillige bin
dat kumt van al die ingelkes
allenui um mich hin
ich bin in d’r zieëvende hieëmel
doa bin ich toch zoeë geer
doa wil ich nog get blieve
mit dich in hoeëger sfeer !

Kouplet 1
Wat woar de vasteloavend
oane ós meëdjes d’r bei
toevallig zint de sjoeënste
allenui noe hei
vier as ónsjuldige hillige
bei al die sjoeën ingele
dat is ós alles weëd
dat is d’r hieëmel óp eed….

Kouplet 2
Wie ze zich óch verkleie
dat is ós toch gans egaal
ze blieve toch de sjoeënste
van d’r ganse zaal
ze zint zoeë leef attent sjarmant
en wat ze angesj och nog hant
zoeë braaf en nog vöal mieë
dat mótte ingele zieë….